حكومهتا هه‌رێما كوردستانێ
وه‌زاره‌تا ئاوهدان كردن ونیشتهجێ كردن
تونێلا گه‌ليێ زاخۆ
رێيا زاخۆ ده‌رگه‌هێ هه‌ره گرنگ يێ هه‌رێما كوردستانێ يه دگه‌ل وه‌لاتێ توركيا، هه‌رچه‌نده قه‌باره‌يێ بازرگانيێ د وى ده‌رى را گه‌له‌ك يا بلنده، لێ رێيا دهۆك بۆ زاخۆ كو نێزيكترين پارێزگه‌ها هه‌رێمێ يه بۆ توركيا ل وي ئاستێ پێدڤى نينه و ب تايبه‌ت ل گه‌ليێ زاخۆ، ژ به‌ركو رێيه‌كا چيايى يه و گه‌له‌ك روودانێن هاتن و چوونێ تێدا رووده‌ن و گيان و سامانێ وه‌لاتيان دكه‌ڤيته د مه‌ترسيێ دا.
له‌ورا هزر د چێكرنا تۆنێلا گه‌ليێ زاخۆ دا هاته كرن و ب پشته‌ڤانييا به‌رێز (نێچيرڤان بارزانى) سه‌رۆكوه‌زيرێن هه‌رێمێ و وه‌زاره‌تا ئاڤه‌دانكرن و نيشته‌جێكرنێ كار ژ بۆ پرۆژه‌يێ چێكرنا تۆنێلا جۆت سايدى يا گه‌ليێ زاخۆ هاته كرن.
تۆنێلا گه‌ليێ زاخۆ هه‌مى ستاندارێت نێڤده‌وله‌تى تێدا هه‌نه بگره ژ سيسته‌مێ ئاگر ڤه‌مراندنێ و پانكێت هه‌وايى، كاميرێت چاڤدێريێ، و سيسته‌مێ راديۆيێ، هه‌ر (500) مه‌تران مه‌مه‌رێن ته‌نگاڤيان هه‌نه ئه‌گه‌ر ئاريشه‌يه‌ك د تۆنێلێ دا روودا و ترافيك دێ هێته ڤه‌گۆهاستن بۆ تۆنێلا ديتر، زێده‌بارى هه‌بوونا پاركێت ته‌نگاڤيان بۆ هه‌ر ترومبێله‌كا تۆشى ئاريشه‌يه‌كێ ببيت د تۆنێلێ دا داكو بشێت ب راوه‌ستيت.
تۆنێلا گه‌ليێ زاخۆ پێكهاتييه ژ دو تۆنێلان هه‌ر ئێك ب درێژاهييا (3600) مه‌ترايه ب سيسته‌مێ چوون و هاتن، فره‌هيا وێ (12) مه‌ترن و بلنداهي ژى (8.2 مه‌ترن)، ئه‌ڤ پرۆژه‌يه ژ ئاليێ كۆمپانييا ليماك يا توركى ڤه بجهئينان.
پرۆژه هاتيه ده‌ستپێكرن ب چه‌ند (Bor.Hole) دا، تاقيكرنێن پێدڤى به‌ريا ده‌ستپێكرنا پرۆژه‌يى بۆ ئاخێ هاتيه كرن.
كار د تۆنێلێ دا ب ستاندارێت (NATM) دهێته ئه‌نجامدان و ئه‌و ژى پشتى جيۆته‌كنيك بريارێ ل سه‌ر جۆرێ ئاخێ دده‌ت، هه‌مى ژى ب شێلمانێن ئاسنى وايرمێشى (BRC) هێته شۆتكرێت كرن داكو نه‌هه‌رفيت هه‌روه‌سا دگه‌ل (Rock Bolt) ئانكو شيشكێت ئاسنى دا هه‌مى ب پێكڤه بهێته گرێدان و ببيته ئێك پارچه.
