رێڤه‌به‌ریا سه‌خبێرى و پاراستنا رێک و پرا ل پارێزگه‌ها دهوکێ

• ئەڤ رێڤەبەریە لده‌ستپێکێ (رێڤەبەریا رێکا/دهوک) بو هەر ژ دامه‌زراندنێ ژ سالا (1979 تا سالا 1993) کو کارێ چێکرن و ڤەکرن و سەرپەرشتیکرنا رێکێن دهێنه‌ گرێدان دگه‌ل قەزا  و  ناحیا و  گوندا.

•  ژ سالا (1993 تا 1996) بو (رێڤەبەریا ئاڤەدانکرن و گەشپێدان) کو کارێ رێکا و پرا و ئاڤاهیا و کارێن گەهاندنا ئاڤێ بو کومەلگەها و گوندان.

•  ژ سالا (1996 تا 2007 ) بو (رێڤەبەریا ئاڤەدانکرنا گوندان) کو هەمان کارێ (ریڤەبەریا ئاڤەدانکرن و گەشپیدان) دکرن دگەل سەرپەرشتی کرن و وەرگرتنا کارێن رێکخراوا نیڤدەولەتی هەر هوسا چێکرنا (قوناغا ئێکێ ژ جهێن رینشتنا تەماشەڤانا ل یاریگەها یانا دهوک یا وەرزشی).

• ل سالا (2007 تا نوکە) بویە (رێڤەبەریا سەخبێرى و پاراستنا رێك و پرا / دهوك) ب فه‌رمانا وه‌زاری یا ژماره‌ (2128 ل 26/3/2007).

• كارێن سەرەكى یێن (رێڤەبەریا سەخبێرى و پاراستنا رێك و پرا / دهوك) سەرپەرشتی كرن و دويڤ چوون و بجهئينانا پروژا ئەوێن دهێنە رەوانەكرن بو رێڤەبەريێ بشێوێ (قونتەرات يان راستەوخوو) ژ وەزارەتا ئاڤەدانكرن و نيشتەجێكرنێ یان ژ پارێزگەها دهوكێ.

•  كارێن رێڤەبەریێ گرێدايە ب سەخبێركرنا رێكێن (سەرەكێ و لاوەكى) ئه‌وێن دكه‌ڤنه‌ (دەرڤەى سنورێ شاره‌وانیا) و سەخبێركرنا رێكێن گوندا هه‌روه‌سا كارێن سەخبێركرن و دويڤ چوونا پەرژانێت پاراستنا رێکا (Guard Rail) بشێوەیه‌کێ گشتى.

• رێڤه‌به‌ری رادبيت ب كارێ ڤەكرنا رێكان و رێكخستنا هاتن و چوونێ ل دەمێ لافاوان و پاقژكرنا رێکان د وەرزێ زڤستانێ دا (ل ده‌مێ به‌فرێ).

•  رێڤه‌به‌ری رادبيت ب كارێ دویڤ چوونا قه‌ده‌غه‌یێن رێكا و ده‌ست نیشانكرنا زێدەگاڤيێن دهێنه‌كرن لسه‌ر قه‌ده‌غه‌یێن رێكا دگه‌ل ئاگه‌هداریا لایه‌نێن په‌یوه‌ندیدار.

• ژ کارێن گرنگ کو رێڤەبەریێ رولەکێ مەزن هەبوو ژبو هاریکاریا (پێشمەرگێن کوردستانێ) ل روژێن سەخت د شەرێ دژی (تیرورستێن داعش) کو رادبوون ب ڤەکرنا (رێکێن سەربازی) دگەل خوشکرنا رێکا و دروستکرنا ساترا بو هێزێن پێشمەرگەی کو (رێڤەبه‌ریا سەخبێری و پاراستنا رێک و پرا ل دهوكێ) خودانا پێنج شەهیدێن هەردەم زیندونە دڤی شەریدا داینە کو فەرمانبەرێن رێڤەبەریێ بوون.

رێڤه‌به‌رێن ڤێ رێڤه‌به‌ريێ هه‌ر ژ ده‌مێ دامه‌زراندنا وێ ب ڤی ئاوايێ ل خوارێ بوون: