وه‌ك رێزلينانه‌ك ل مالباتێن شه‌هيدێن رێڤه‌به‌ريا گشتی يا رێك و پرا و ئاڤه‌دانكرنا و نيشته‌جێكرنێ ل پارێزگه‌ها دهۆكێ، د رێوره‌سمه‌كێ تايبه‌ت دا ل (2017/8/7) ل ئاڤاهيێ رێڤه‌به‌ريێ و ب به‌رهه‌ڤبوونا ( صدقي ئامێدی ) بريكارێ وه‌زاره‌تا ئاڤه‌دانكرن و نيشته‌جێكرنێ، ( بهزاد عه‌لی ادم ) جێگرێ پارێزگارێ دهۆكێ و چه‌ندين رێڤه‌به‌رێن سازيێن دهۆكێ و فه‌رمانده‌يێن پێشمه‌رگه‌ی، رێز ل مالباتێن وان شه‌هيدان دگه‌ل ئه‌و كۆمپانيێن دگه‌ل تيمێن مه‌ كاركری، هاته‌ گرتن..

ل ده‌ستپێكێ ئه‌ندازيار ( معصوم ابراهيم سعيد ) په‌يڤا بخێر هاتنا به‌رهه‌ڤبوويان پێشكێشكر و رۆناهی ئێخسته‌ سه‌ر رۆلێ قاره‌مانانه‌ يێ كادرێن رێڤه‌به‌ريێ ل به‌رۆكێن شه‌ری، دووڤـ دا بريكارێ وه‌زاره‌تا ئاڤه‌دانكرن و نيشته‌جێكرنێ به‌حسێ پرۆژه‌يێن وه‌زاره‌تێ و كارتێكرنێ قه‌يرانێ ل سه‌ر سێكته‌رێ ئاڤه‌دانكرنێ كر، پاشان رێزلێنان بۆ مالباتێن شه‌هيدان هاتن پێشكێشكرن و ئه‌و كۆمپانيێن دگه‌ل تيميێن رێڤه‌به‌ريێ كاركری رێز ل وان ژی هات گرتن.