حكومهتا ههرێما كوردستانێ
وهزارهتا ئاوهدان كردن ونیشتهجێ كردن
پــرا وه‌رده‌ك
ل ده‌مێ هاتنا تيرۆرستێن داعشێ بۆ ناڤا ئاخا هه‌رێمێ و دوباره رزگاركرنا وان ده‌ڤه‌ران ژ ئاليێ هێزێن پێشمه‌رگه‌ی ڤه، رێكخستنا تيرۆرستی يا داعشێ پرانيا جهـ و مال و خالێن ستراتيژی يێن خه‌لكێ بێگونه‌هـ ژ ناڤـ دبرن، پرا وه‌رده‌ك ژی ئه‌وا كو هاتن و چوونا پرانييا گوندێن كاكه‌يان پشت به‌ستنێ ل سه‌ر دكه‌ت، ژ ئاليێ تيرۆرستێن داعشێ ڤه هاته په‌قاندن.
رێڤه‌به‌ريا گشتی يا رێك و پرا و ئاڤه‌دانكرن و نيشته‌جێكرنێ ب كۆژمه‌يێ (60 مليۆن ديناران) ل سه‌ر بودجه‌يا خوه يا تايبه‌ت ل (7ی سباتا سالا 2017ێ) ڤه‌كر و پشتی ڤه‌كرنێ ناڤێ پرێ ژ وه‌رده‌ك بۆ پرا ( شه‌هيد سه‌ربه‌ست مه‌نتك ) هاته گهورين وه‌ك رێزلێنانه‌ك بۆ فه‌رمانده‌يێ ( شه‌هيد سه‌ربه‌ست مه‌نتك ) ئه‌و د شه‌رێ دژی داعشێ دا گيانێ خوه گوری ئاخا پيرۆز يا كوردستانێ كری.
ژ هه‌ژی ئاماژه‌پێكرنێ يه د رێوه‌سمێن ڤه‌كرنا پرێ دا هه‌ر ئێك ژ (عارف ته‌يفۆر)، به‌رپرسێ ميحوه‌رێ خازری، عتو زێباری جێگرێ وی و (خلیل محمود اوسی) ده‌ڤه‌ردارێ به‌رده‌ره‌ش، (بشار محمد عبدالله) رێڤه‌به‌رێ ناوچه‌دارييا كه‌له‌كێ...و ئه‌ندازيار (معصوم ابراهيم سعید) رێڤه‌به‌رێ گشتی يێ رێك و پرا و ئاڤه‌دانكرن و نيشته‌جێكرنێ ل پارێزگه‌ها دهۆكێ و چه‌ندين ئه‌ندازيارێن ديتر، به‌رهه‌ڤـ ببوون.
درێژاهيا پرێ (60 مه‌ترن) و ده‌ستپێكرنا كاری ل (2016/10/16)ێ بوو ل (2016/11/15)ێ ب داويی هاتيه.
