پەیڤا رێڤەبەرێ گشتی

ئەگەر ئیرادەکا بهێز هەبیت د قەیرانادا ژى کارێن مەزن دێ هێنە ئەنجامدان ، خو تەسلیم کرن بو کاودانێن نالەبار نە سیمایێ خەم حورایە بەلکى خوراگرتن و پێشڤەبرنا کارى ددەمێن سەخت و دژوار دا ئەوە هێمایێ دلسوزان ، ل بەر فرەهیا حنێر دیار نابن لێ ل بەر تەنگیا ل دەمێ خەلکەک سست و خاڤ و بێ ئومید دبیت کەسانێن خوین گەرم و ماندو نە ناس ب شوق و گەرم و گور خو دهاڤێنە مەیدانێ و ناهێلن سەکتەرێن ئەو ژێ بەر پسیار راوەستاندن و پاشڤەمانێ بخوڤە ب بیینین ، ئاها ئەڤەیە کو کارمەندێن رێڤەبەریا گشتى یا رێک و پرا و ئاڤەدانکرنێ و نیشتەجێکرنێ ل پارێزگەها دهوکێ کرى ٠ واقع بتنێ ل ئەڤ سالە لسەرەراى قەیرانا دارایى ، کار بکوژمێ 82,636,629,000 دیناران کار هاتیە کرن و 1,356,107 م٢ کارێن ئەسفەلتى هاتیە کرن کو دبیتن ئەڤە جهێ حێبەتیا گەلەک کەسان بیت ٠

هەژىیە بێژین کار بکوژمێ 74,204,400,000 دیناران هاتیە کرن بو 9 پروژێن چێکرنا رێک و پرا کو 4 ژوان پروژا بدیماهیک هاتینە و 5 دبەردەوامن ٠

هەر وەسا کا ر بکوژمێ 8,432,229,000 دیناران هاتیە کرن بو 103 پروژێن سەخبێرکرنا رێک وپرا کو 100 ژوان پروژا بدیماهیک هاتینە و 3 ژوان دبەردەوامن ٠

دیسان کارێن توانا ئەندازیارى ب بەردەوامى و بێ راوستان تێمێن مە مل ب ملێ  پێشمەرگەیێن قارەمان کارکریە ود ئەڤ سالە دا 5518 ئامیران کارکریە کو 362 ربیعە و 185 کم چەپەر و 29 گورەپان و 411 پەناگەهـ هاتینە چێکرن و دیسان 43 کم خەندەکان هاتینە لێدان و 83 کم رێکان ڤەکرین و سەخبێریکرینە ،لەورا ئەم دەست خوشیێ ل کارمەندێن حو دکەین یێن بڤى کارى رابوین و سوپاسیا هەر کەسەکى دکەین کو پشتەڤانیا مە کرى ، ژبەر کو رێک و پر ملکێ هەمى هاولاتیانە نە بەس ملکێ بارهەلگەرێن بارێ زێدە باردکەن ئەڤجا پاراستنا رێک و پرا ژ نافچوونێ ئەرکەکێ پیروزە ب رێکا کونترولکرنا بارێن ترومبێلێن بارهەلگر بو ڤێ چەندێ ئەم شیاینە ب رێیا 10 قەپانین جێهگیر و قەپانەکا گەروک کونترولا رێیێن سەرەکى و لاوەکى ل سەرتاسەرى پارێزگەها دهوکێ بکەین و ویستگەهێن مە ئەڤ سالە 874948 ترومبێلێن بارهەلگر کیشاینە کو 22269 ژ وان سەرپێچکاربوون و هاتینە سزادان ٠

ل دیماهیێ ئەز دەست خوشیێ لهەمى فەرمانبەر و کامەندێن مە دکەم و شانازیێ پێدبەین کو شیاینە سەکتەرێ رێک و پرا و ئاڤەدانکرن و نیشتەجێکرنێ لڤان کاودانێن سەخت بەرەڤ پێشڤە ببەن ، دیسان سوپاسیا وەزارەتا ئاڤەدانکرنێ و نیشتەجێکرنێ ، و کارگێریا پارێزگەها دهوکێ دکەین بو پشتەڤانیا وان بو مە ٠کوردستان هەرە ئاڤەدان بیت ٠