شانده‌كا وه‌زاره‌تا ئاڤه‌دانكرن ونیشته‌جێكرنی سه‌ره‌دانا چه‌ندین پروژه‌ێن گرنگ ل سنورێ رێڤه‌به‌ریا مه‌ كر

ژ بۆ هايداربوون ل سه‌ر چه‌وانييا جێبجێكرنا پرۆژه‌يان ل سنۆرێ پارێزگه‌ها دهۆكێ ، به‌رێز (صدقی اسماعیل ئامێدی) بريكارێ وه‌زاره‌تا ئاڤه‌دانكرن و نيشته‌جێكرنێ ب ياوه‌رييا و ئه‌ندازيار (زانا مسته‌فا محمد) رێڤه‌به‌رێ گشتي يێ ته‌كنیكی و ئه‌ندازيار (سعدلله حسن اسماعیل) راوێژكارێ وه‌زاره‌تێ ب سه‌ره‌دانه‌كا دو رۆژی ژ بۆ دووڤچوونا پرۆژه‌يێن نها دبن جێبجێكرنێ دا سه‌ره‌دانا رێڤه‌به‌رييا گشتی يا رێك و پرا و ئاڤه‌دانكرن و نيشته‌جێكرنێ ل پارێزگه‌ها دهۆكێ كر و دگه‌ل ئه‌ندازيار (معصوم ابراهيم سعید) رێڤه‌به‌رێ گشتی يێ رێك و پرا و ئاڤه‌دانكرن و نيشته‌جێكرنێ و رێڤه‌به‌رێن رێڤه‌به‌ريێن فرعی و هه‌ژماره‌كا دی يا ئه‌ندازياران سه‌ره‌دانا چه‌ندين پرۆژه‌يان هاته‌ كرن ژ وانا ژی:

سه‌ره‌دانا (10) وه‌ستگه‌هێن كێشانێ و (8) پرۆژه‌يان يێن كو نها د بن جێبجێكرنێ دا ل دهۆك، زاخۆ، شێلازدێ، ئاكرێ هاته‌ كرن.

جهێ ئاماژه‌ پێكرنێ يه‌ كو سه‌ره‌دان ل (2017/6/4)ێ هاتبوو كرن و سه‌ره‌دانا شاندا وه‌زاره‌تێ بۆ دو رۆژان ڤه‌كێشابوو.